Америкалық белгілі журналист әрі инсайдер Стив Ким әлемнің үздік боксшысы Теренс Кроуфордтың карьерасын аяқтау туралы шешімі туралы пікір білдірді, деп хабарлайды Vesti.kz.
Бұған дейін Кроуфорд бокстан кететінін мәлімдеп, бұл шешімін "дәлелдейтін ештеңесі қалмады" деп түсіндірген болатын.
Стив Кимнің айтуынша, бұл шешімге қазақстандық боксшы Жәнібек Әлімханұлымен байланысты жағдай да әсер етуі мүмкін.
"Маған Жәнібекке қатысты жағдай Кроуфордтың бұл шешіміне ықпал еткен болуы мүмкін деген сыбыс жетті", — деп жазды Ким әлеуметтік желіде.
Еске салайық, желтоқсан айының басында Жәнібек Әлімханұлының допинг-тестті жағымсыз нәтиже көрсетіп, салдарынан WBA чемпионы кубалық Эрисланди Ларамен титул біріктіретін жекпе-жек өтпей қалды.
Сонымен қатар, қазақстандық боксшы орта салмақта әлемнің абсолют чемпионы атағы үшін Теренс Кроуфордтың ықтимал қарсыласы ретінде аталған еді. Қазіргі таңда Әлімханұлы WBO және IBF чемпиондық белбеулеріне иелік етеді. Алайда Кроуфордтың карьерасын аяқтауына байланысты бұл жекпе-жек енді өтейтіні анық.