Әлем кубогі: Богданова ширек финалға өтті

Қазақстандық боксшы Наталья Богданова елордада өтіп жатқан Әлем кубогының кезеңінде 1/4 финалға жолдама алды.

Отандасымыз 70 келіге дейінгі салмақта үндістандық Чану Тхокчоммен кездесті.

Жекпе-жек тартысқа толы болды. Нәтижесінде үшінші раундта басымдық танытқан Наталья Богданова келесі кезеңге өтті.

Айта кетейік, бұған дейін Назым Қызайбай (48 келіге дейін) мен Әнел Сақыш (54 келіге дейін) келесі кезеңге өткен болатын. Өкінішке қарай, Абылайхан Жүсіпов (70 келіге дейін) жарысты аяқтады.