Қазақастандық боксшы Теміртас Жүсіпов "IBA чемпиондар түні" турнирінің финалында жұдырықтасады.
Бокс кеші 12 желтоқсан Бахрейнде өтеді. Бұл кеште Теміртас IBA чемпионы атағы үшін айқаспақ. Дегенмен қарсылас кім болатыны әзірге белгісіз.
Еске салайық, Жүсіпов қазан айында 2024 жылғы Азия чемпионатына қатысу құқын жеңіп алған. Құрлықтық біріншілік 29 қараша мен 11 желтоқсан аралығы Таиландтың Чиангмай қаласында өтеді.
Алайда Теміртас IBA турнирі үшін Азия чемпионатынан бас тартты. Ал оның орнына Таиландқа Санжар Тәшкенбай барады.
Жүсіпов 2021 жылы әлем чемпионы болған және Азия біріншілігін екі рет жеңіп алған (2013, 2019), онымен қоса, Бүкіл әлемдік бокс сериясының (WSB) жеңімпазы.