Орта салмақта WBO чемпионы америкалық Деметриус Андраде (31-0, 19 KO) титулдан бас тартып, басқа двивизионға өтуі мүмкін. Бұл туралы оның промоутері Эдди Хирн мәлімдеді, деп хабарлайды Vesti.kz.
"Бұл қызық. Біз чемпиондар арасында айқас ұйымдастыру туралы WBC ұйымына сұраныс жасадық. Ал бір күннен кейін WBO мен ешқашан атын естімеген жігітті (Жәнібек Әлімханұлы) міндетті қарсылас етіп отыр.
WBO чемпионмен айқасты ұйымдастыра алмайды, бірақ, не рұқсат бере алады, не бас тарта алады. Олар біздің WBC ұйымына хат жазғанымызды біледі. 48 сағаттан кейін бізге жекпе-жек белгілеп тұр. Бұл айқас кімге керек?
Андраде жоғары салмаққа өтіп, бірден титулға үміткер болатын ережені пайдалантын шығар. Әйтеуір бірдеңе істеу керек, өйткені үміткермен жұдырықтасқымыз келмейді", - деп береді Хирннің сөзін Boxingnews24.com.