Бүгін, 27 қазанда Белградтағы (Сербия) әлем чемпионатында екі қазақстандық боксшы рингке шығады, деп хабарлайды Vesti.kz.
Осылайша, Асыланбек Шымбергенов 71 келідегі 1/32 финал аясында Иран өкілі Фархад Моради Аташгахпен кезедседі, ал 86 келіде Бек Нұрмағанбеттің 1/16 финалдағы қарсыласы бразилиялық Кено Мачадо.
Екі жекпе-жек те күндізгі сессияда өтеді. Басталуы 17:00. Qazsport бұл айқастарды тікелей көрсетеді. Трансляция мына сілтеме арқылы қолжетімді.
Айта кетейік, қазіргі таңда Бек кәсіпқой боксқа ауысқан. Ол бес жекпе-жегінің бәрінде жеңіске жетіп (үш нокаут), екінші орта салмақта WBA International титулын иеленді. Боксшы әлем чемпионы атану үшін Қазақстан құрамасына оралды. Ол 2019 жылғы Азия чемпионы екенін де айта кетейік.