Қазақстандық боксшы Сәкен Бибосынов Белградтағы әлем чемпионатының ширек финалына шыққанына қатысты пікір білдірді, деп хабарлайды Olympic.kz.
1/8 айналымда ол үндістандық Дипакпен кездесіп, 5:0 есебімен таза жеңіске жетті.
"Қарсылас осал емес. Өте ауыр жекпе-жектердің бірі болды. Бұл боксшының өнерін бұрын да көріп жүргенмін. Бапкерлердің тактикасын дұрыс қолдандық. Мұнымен босаңсуға болмайды. Алда әлі үш кездесуім бар.
Мен мұнда қола немесе күміс үшін келген жоқпын. Алтын алып, еліміздің көк туын көтеруді мақсат еттім. Сондықтан, алға қарай басамыз. Қолдау көрсеткен барша жанкүйерге алғысым шексіз", - деді Бибосынов.