Александр Усик супер ауыр салмақтағы бірінші жекпе-жегінде кикбоксшымен жұдырықтасауы мүмкін

Бірінші ауыр салмақта әлемнің бұрынғы абсолют чемпионы Александр Усик (16-0, 12 КО) 12 қазан Чикагода (АҚШ) супер ауыр салмақта бірінші жекпе-жегін өткізеді. 

The Athletic инсайдері Майк Коппинджердің ақпаратынша, бұл жекпе-жекте Усик жеңілмеген 33 жастағы голландиялық Тайрон Спонгпен (13-0, 12 КО) жұдырықтасуы мүмкін. Спонг ауыр салмақта WBC Latino мен WBO Latino тұжырымы бойынша Латын Америкасының чемпионы. 

Sources: Tyrone Spong is on a short list of heavyweights being considered for Aleksandr Usyk’s debut Oct. 12 in Chicago. Bryant Jennings has also been considered. As reported, Andrey Fedosov was offered fight, but is no longer an option. Expect an announcement as soon as Friday

— Mike Coppinger (@MikeCoppinger) 28 августа 2019 г.

Сонымен қоса, украиналық чемпионға қарсылас ретінде 34 жастағы америкалық Брайант Дженнингс (24-2, 14 КО) те қарастырылып отыр.

Коппинджердің сөзінше, Усиктің қарсыласы нақты кім болатыны жұма, 30 тамызда ресми хабарланады.

Еске салайық, Александр Усик 25 мамырда камерундық Карлос Такаммен (36-5-1, 28 КО) жұдырықтасу керек болатын, алайда, украиналықтың жарақатына байланысты бұл жекпе-жек өтпеді. 

Ал Тайрон Спонг кәсіпқой бокстан бөлек, тай боксы, кикбоксинг және ережесіз жекпе-жекпен айналысқан. 2012 жылы 3 қарашада Спонг ММА бойынша ережесіз жекпе-жекте америкалық файтер Трэвис Бартлетті нокаутпен жеңген. Ал боксқа 2014 жылы аяғын сындырып алған соң келген.