Жартылай жеңіл салмақтағы қазақстандық боксшы Евгений Павлов (11-0, 8 KO) келесі жекпе-жегін 18 шілде АҚШ-та өткізеді, деп хабарлайды Vesti.kz.
Кездесу Хановер қаласында (Мэриленд штаты, АҚШ) өтетін бокс кеші аясында ұйымдастырылады.
Қазақстандықтың ісін жүргізетін Jeter Promotions промоутерлік компаниясы алдағы турнирдің ресми постерін жариялап, оған Павловтың бейнесін орналастырды. Алайда 27 жастағы боксшының қарсыласы әзірге ресми түрде жарияланған жоқ.
Бұл Евгений Павлов үшін 2026 жылғы екінші жекпе-жек болмақ.
Павлов соңғы жекпе-жегін 25 сәуірде Балтиморда (Мэриленд штаты, АҚШ) өткізді. Ол кезде Евгений америкалық Антонио Дантон Элды (6-6-2, 2 KO) алты раунд қорытындысы бойынша төрешілер шешімімен жеңген болатын.
Бұл кездесу Павловтың 2023 жылдан кейінгі кәсіпқой бокстағы алғашқы айқасы болды.
Евгений Павлов кәсіпқой рингте 2020 жылдан бері өнер көрсетіп келеді және әлі күнге дейін жеңіліп көрген жоқ. Оның еншісінде 11 жекпе-жекте 11 жеңіс бар, оның сегізін нокаутпен аяқтаған.
Бұған дейін Павловтың екінші орта салмақтағы бұрынғы абсолют чемпион Сауль Альвареспен бір залда жаттыққаны да хабарланған еді. "Канело" қазіргі заманның ең танымал боксшыларының бірі саналады.