Англия астанасы Лондондағы бокс кешінің басты жекпе-жегінде ауыр салмақтағы WBO чемпионы британиялық Дэниел Дюбуа (24-3, 23 KO) мен осы белбеуді бұрын иеленген Фабио Уордли (20-2-1, 19 KO) кездесті, деп хабарлайды Vesti.kz.
Қарымта жекпе-жектің тағдыры екінші раундта шешілді. Дюбуа қарсыласын арқанға тақап, соққылар сериясын жасайды. Нәтижесінде төреші жекпе-жекті тоқтатуға мәжбүр болды. Осы сәтте қатар Уордлидің бұрышынан секунданттар рингке ақ орамал лақтырды.
Осылайша, Дюбуа кәсіпқой карьерасындағы 24-жеңісіне жетті. Оның 23 жеңісі нокаутпен. Ал Уордли 20 жеңіс пен бір тең нәтижеден кейін карьерасында екінші жеңілісіне ұшырады.
Еске салайық, боксшылар арасындағы алғашқы жекпе-жек 9 мамырда Манчестерде өтіп, Дюбуа 11-раундта мерзімінен бұрын жеңіске жеткен болатын.