Қазақстандық боксшы Аида Әбікеева Әлем кубогындағы нәтижесін бағалап, жазба жариялады, деп хабарлайды Vesti.kz.
Оның сөзінше, басты мақсаты чемпион атану болған.
– Осы нәтижеге қанағаттандың ба?» десеңіздер – жоқ деп айтамын. Менің көздегенім бірінші орын еді. Бірақ бәрі біз ойлағандай бола бермейді. Алда – осы жылдың ең үлкен додасы, Азия ойындары. Сол уақытқа дейін қателіктермен жұмыс жасап, әлі де талай Қазақ елінің туын көкке желбіретуге барымды саламын», — деді спортшы.
Айта кетейік, 65 келіге дейінгі салмақтағы финалда Аида Әбікеева өзбекстандық Навбахор Хамидоваға төрешілер шешімімен есе жіберген болатын.