Қазақстан құрамасының өкілі Римма Волосенко Моңғолияның Ұлан-Батыр қаласында World Boxing ұйымының қолдауымен өтіп жатқан Азия чемпионатында алғашқы жекпе-жегін өткізді, деп хабарлайды Vesti.kz.
60 келіге дейінгі салмақ дәрежесінің 1/8 финалында Волосенко Үндістан боксшысы Приямен кездесіп, үш раундтың қорытындысы бойынша төрешілердің ортақ шешімімен (5:0) жеңіліп қалды.
Бұл нәтиже Қазақстан құрамасы үшін аталған турнирдегі үшінші жеңіліс болды. Бұған дейін жарыстың алғашқы күнінде Жазира Орақбаева (51 кг) мен Элина Базарова (54 кг) өз жекпе-жектерінде жеңілген еді.