2025 жылы өтетін әлем чемпионаты алдында Төрехан Сабырхан мен Абылайхан Жүсіпов спарринг өткізді, деп хабарлайды Vesti.kz.
Төрехан ұлттық құраманың бірінші нөмірін ығыстырдыЖеліде 70 келі салмақ дәрежесінде қазақстандық құраманың көшбасшылары арасындағы спарринг видеосы пайда болды. Бұл жаттығу жекпе-жегі World Boxing ұйымы аясында өтетін алғашқы әлем чемпионатына Қазақстан құрамасының құрамын жарияламай тұрып ұйымдастырылған.
Еске салайық, Абылайхан Жүсіпов бұған дейін World Boxing ұйымы ұйымдастырған Астанадағы Кубоктің алғашқы айналымында сенсациялық жеңіліске ұшырап, сынның астында қалған еді. Соған қарамастан, ол 70 келі салмақта ұлттық құраманың бірінші нөмірі болып саналған.
Алайда, іріктеу нәтижесі бойынша Жүсіпов 2025 жылғы әлем чемпионатына баратын Қазақстан құрамасының тізімінен тыс қалды. Оның орнына бұл салмақта Төрехан Сабырхан ел намысын қорғайтын болды.
Қазақстан құрамасының 2025 жылғы әлем чемпионатына арналған ерлер құрамы
Боксшылардың толық тізімі жарияланды. Құрамға барлығы 10 спортшы енді, олардың қатарында 2023 жылғы әлем чемпионатының үш жеңімпазы – Санжар Тәшкенбай, Махмұт Сабырхан және Нұрбек Оралбай бар. Сондай-ақ, әлем чемпионы (2019) Бекзад Нұрдәулетов ұлттық командаға қайта оралды.
Қазақстан құрамасының толық құрамы мынадай:50 кг – Санжар Тәшкенбай
55 кг – Махмұт Сабырхан
60 кг – Бейбарыс Жексен
65 кг – Ертуған Зейнуллинов
70 кг – Төрехан Сабырхан
75 кг – Сабыржан Аққалықов
80 кг – Нұрбек Оралбай
85 кг – Бекзат Нұрдәулетов
90 кг – Сағындық Тоғамбай
90+ кг – Айбек Оралбай.