Абель Санчес Головкинмен жекпе-жек алдында допинг қолданған "Канелоны" ақтауға тырысты

Қазақстандық Геннадий Головкинді (40-1-1, 35 КО) тоғыз жыл жаттықтырған бапкер Абель Санчес қарымта жекпе-жек алдында мексикалық Сауль "Канело" Альварестің (53-1-2, 36 КО) допинг дауына іліккеніне қатысты ойын айтты, - деп хабарлайды Boxingnews24.com.

2018 жылы мамырға белгіленген жекпе-жек алдында Альварестің қанынан кленбутерол табылған еді. Осылайша, ол алты айға шеттеліп, боксшылар қыркүйекте жұдырықтасты.

"Жекпе-жек аяқтала салысымен Golden Boy президенті Эрик Гомес менімен қол алысып: "Шу басылғанша аздап күтіп, үшінші айқас өткізуге міндеттіміз" деді. Келісемін. Бір жағынан келіспеймін де. Головкин тыйым салынған препарат үшін Альварестің "боксқа құрметі жоқ" деп есептемейді деп ойлаймын. Екеуі де тамұқтан өтті. "Канело" барлық тестіні тапсырып, препараттың ағзасына зарарлы ет арқылы түскенін дәлелдеген сияқты. Бірақ шын мәнінде не болғанын ешқашан біле алмаймыз. Меніңше, екі жігіт сыйлаған тамаша жекпе-жектің беделін түсірмес үшін ол оқиғаны ұмытқан жөн", - дейді Санчес.