"74,8 миллион бөлінген". Министрлік Фируза Шарипованың белбеулерден айырылғанына қатысты жауап қайырды

Сергей Завилейский және Фируза Шарипова. Сурет: спортшының баспасөз қызметінен

Қазақстанның мәдениет және спорт министрлігі Фируза Шариповаға (9-1, 4 КО) спонсорлық көмек көрсету бойынша мәлімдеме жасады.

Айта кетейік, Шарипова белбеулерден айырылуға қатысты өз пікірін білдіріп, қазір командасымен үшінші салмақта чемпион болу мақсатында жұмыс істеп жатқанын айтты. Сонымен қоса, боксшы қыз Ева Вальстреммен жұдырықтсуға спонсорлық көмек сұрап, әкімдіктер, министрлік пен Қазақстан президентіне де өтініш жазғанын, алайда, ешқандай көмек болмай отырғанын айтқан.

Шарипова екінші орта салмақта WBC-дің толыққында титулына ие Ева Вальстреммен белбеулер біріктірілетін жекпе-жек өткізуге 74 842 650 теңге бөлінгені хабарланып отыр.

Алайда бұл жекпе-жек орнына Шарипова жеңіл салмақта Юлия Куценкомен жұдырықтасып, WIBA титулын қорғаған.

Фируза Шарипова әлем чемпионы атағынан айырылды

Соңғы рет Шарипова 2018 жылы 8 қыркүйекте ресейлік Юлия Куценкомен жұдырықтасып, WIBA титулын қорғап қалған. 22 желтоқсанда Шарипова WBC чемпионы финляндиялық Ева Вальстреммен жекпе-жек өткізу керек болатын. Алайда қазақстандық боксшының жарақатына байланысты кездесу кейінге шегерілді.

Кеше, 3 сәуірде Шарипова Халықаралық бокс ұйымының (IBO) чемпиондығынан және WBC Silver белбеуінен айырылғаны белгілі болды. Қазіргі таңда қазақстандық спортшыда жеңіл салмақтағы WIBA титулы ғана қалды.

Осы оқиғалардан кейін қазақстандық боксшының келесі жекпе-жегі туралы белгілі болды.

BoxRec ақпаратынша, 24 жастағы Шарипова рингке 20 сәуір Мәскеу жанындағы Жуков қаласындағы Флойд Мейвезердің бокс Академиясында өтетін бокс кешінде шығады. Қарсылас әзірге белгісіз.

Әлеуметтік желілерде бөлісу