43 секундтағы жеңіс! Балауса қарсыласын бір соққымен отырғызды

Қазақстандық бұрымды боксшы Балауса Мұздиман Алматыдағы кәсіпқой бокс кешінде атаулы жеңіске жетті, деп жазады Vesti.kz.

Балаусаның қарсыласы Үндістанның екінші нөмірлі боксшысы Моника Сингх болды. Сегіз раундқа есептелген жекпе-жек біріншісінде-ақ аяқталды. Балауса қарсыласын 43-секундта бауырдан соққы жасап отырғызып тастады. Осыдан кейін қарсылас жекпе-жекті жалғастырудан бас тартты. 

Осылайша, Мұздиман кәсіпқойдағы төрт айқасының бәрінде жеңіске жетіп отыр, оның үшеуі нокаутпен. Ал бес жеңіске жеткен Сингх екінші рет жеңіліп отыр.