АҚШ-тың Инглвуд қаласында өткен бокс кешінің басты оқиғасы бірінші ауыр салмақта WBA чемпионы, Франция атынан өнер көрсететін тегі армениялық Арсен Гуламирян (27-1, 19 КО) мен мексикалық үміткер Хильберто Рамирес (46-1, 30 КО) арасындағы жекпе-жек болды, деп жазады Vesti.kz.
12 раунд толық өткен жекпе-жекте төрешілер жеңісті бірауыздан Рамиреске берді (118-110 үш рет).
Бұл жеңіс арқасында Рамирес WBA белбеуін Гуламиряннан алып қойды, сонымен қоса, Мексика тарихына атын жазды. Өйткені бұл елдің тарихында бірінші ауыр салмақта чемпион болған емес.
Ал Гуламирян карьерасында алғаш рет жеңілді.