29 жастағы боксшы жекпе-жек кезіндегі нокауттан өліп кетті

Англиялық боксшы Шериф Лаваль кәсіпқойдағы алғашқы жекпе-жегінен кейін көз жұмды, деп жазады Vesti.kz. 

Daily Mail мәліметінше, Лондонда өткен бокс кешінде кәсіпқойда бірінші рет жұдырықтасқан 29 жастағы Шериф есінен танып қалады. Отандасы Малам Варемен кездесудің төртінші раундында ол самайынан ауыр соққы алған екен. 

Дәрігерлер Лавальға жедел көмек жасайды, алайда боксшы ауруханаға жеткізгенше көз жұмыпты. 

Лаваль бокспен 2018 жылдан бастап шұғылданған, ал биыл кәсіпқой боксқа өтуді ұйғарған.