21 жастағы Қазақстан құрамасының боксшысы Нұрқанат Райыс әлем чемпионатының ширек финалына шықты, деп жазады Vesti.kz тілшісі.
Белградтағы (Сербия) әлем чемпионатының 1/8 финалында отандасымыз ауғанстандық Сулиман Асламимен жолығып жеңіске жетті.
Кездесудің екінші раундында Райыс қарсыласын нокдаунға жіберді. Ал үш раундтың қорытындысы бойынша 5:0 есебі тіркелді.
Ширек финалда отандасымыз енді италиялық Сальваторе Кавальяроға қарсы кездесу өткізеді.