Жеңіліп көрмеген украиналық боксшы Александр Усик The Ring журналының тұжырымы бойынша жылдың ең мықты боксшысы атанды.
2024 жылы Усик британиялық Тайсон Фьюримен екі жекпе-жек өткізіп, екеуінде де төрешілер шешімімен жеңді. Бірінші айқастан кейін Александр суперауыр дивизионда әлемнің абсолют чемпионы атанған еді, алайда, кейін IBF белбеуінен бас тартты.
Украиналық боксшы кәсіпқой карьерасындағы 23 жекпе-жегінің бәрінде жеңіске жетті, оның он төрті нокаутпен.
Өзге номинациялардың жеңімпаздары:
жыл нокауты: Дэниел Дюбуа – Энтони Джошуа (бесінші раунд);
жылдың оралуы: Билли Диб;
жыл апсеті: Бруно Сурас – Хайме Мунгия (алтыншы раунд);
жыл раунды: Александр Усик - Тайсон Фьюри жекпе-жегінің тоғызыншы раунды;
жыл проспекті: Мозес Итаума;
жыл бапкері: Роберт Гарсия;
жыл оқиғасы: Александр Усик - Тайсон Фьюри, бірінші кездесуі;
жыл жекпе-жегі: Рэймонд Форд – Отабек Холматов;
бұрымдылардан жылдың ең мықты боксшысы: Габриэла Фундора.