Қазақстандық боксшы Жанқош Тұраров (24-0, 17 КО) алтыншы тамыз Белфастта (Солтүстік Ирландия) жекпе-жекке шығады, деп хабарлайды Vesti.kz.
MTK Kazakhstan менеджерлік компаниясының мәліметінше, бұл күні ол британиялық Тайрон Маккеннамен (21-2-1, 6 КО) жұдырықтасады. Жанқош бұл қарсыласымен бірінші жартылай орта салмақта WBO Inter-Continental титулын қорғау үшін сәуір айында Дубайда жекпе-жек өткізу керек болған. Алайда Тұраров коронавируске шалдығып, бұл айқас кейінге қалған.
Еске салайық, Жанқош кейінгі рет 2019 жылы Нұр-Сұлтанда аргентиналық Максимилиано Годойды (32-6-1, 17 КО) нокаутқа түсіріп, белбеуін сол кезде иеленген.
Ал "Кельт" лақап атымен танымал Маккенна 2020 жылы қыркүйекте WBC International титулы үшін айқаста отандасы Охара Дэвиске (22-2, 12 КО) есе жіберді.