10 нокауты бар "Қазақ жауынгері" келесі жекпе-жегін өткізетін уақыт белгілі болды

Бірінші орта салмақта WBC "жастар" титулына ие қазақстандық боксшы Садриддин Ахмедов (11-0, 10 КО)  рингке желтоқсанда оралады,- деп хабарлайды RDS.ca.

Жекпе-жек 18 немесе 19 желтоқсанға белгіленеді, әзірге қарсылас пен өтетін орны белгісіз. 

Әуесқой бокста Ахмедов жастар арасында әлем чемпионы болған. Кәсіпқой боксқа 2018 жылы ауысып, 11 жекпе-жегінің бәрінде жеңіске жетті (10 нокаут). Боксшы бір ғана кездесуін Қазақстанда, ал қалғандарының бәрін Канадада өткізген. 

2019 жылы Монреальдағы кейінгі жекпе-жегінде Садриддин аргентиналық Хосе Антонио Вильялобосты (12-6-2, 7 КО) нокаутқа түсірген.