Папаниколау: Мен лаңкес емеспін

Баскетболдан Грекия құрамасының сұрмергені Костас Папаниколау Франция құрамасымен өткен жолдастық кездесуде алаңнан қуылғаннан кейін өрт дабылы сигналын баспағанын айтты, - деп хабарлайды Eurohoops.

Осыған дейін, Папаниколау дабыл шүртпесін басқаны туралы айтылған. Соның нәтижесінде, аренада сигнал іске қосылып, ал динамиктерден автоматты түрде жиналғандардың стадионнан шығуын өтінген хабарлама айтылған. Арена қызметкерлері шүртпені Папаниколау басқанын айтқан, алайда, оның қасақана жасалғаны туралы айтылмаған. 

"Шүртпені басқаным жоқ. Бұл аренада бірінші рет ойнап тұрмын, сол себепті оның қайда орналасқанын да білмеймін. Дабылдың қайда орналасқанын қайдан білейін. Мен әзірге лаңкес емеспін", - дейді Костас Папаниколау.

Айта кетейік, жолдастық кездесу 84:68 есебімен француздардың пайдасына шешілді.