Қазақстан бадминтоннан Ирандағы турнирде төрт жүлде жеңіп алды

Иранның Энзели қаласында бадминтоннан ірі халықаралық турнир өтті.

Бұл жарыста Қазақстан құрамасы төрт медаль жеңіп алды, оның екеуі - алтын.

Дмитрий Панарин ерлер арасында өткен жекелей сында топ жарды. Сонымен қатар Панарин мен Наргиза Рахметуллаева аралас жұптық сайыста бірінші орынды иеленді.

Одан бөлек Қазақстан құрамасының қоржынында тағы екі жүлде бар. Хайтмұрат Құлматов/Диана Наменова және Жәңгір Ибраев/Алиса Кулешова аралас жұптық сайыста қола жүлдегер атанды.