Михаил Кукушкин Australian Open турнирінің бірінші айналымында ұтылып қалды

Қазақстандық теннисші Михаил Кукушкин Australian Open турнирінің бірінші айналымында жеңіліп қалды, деп жазады Vesti.kz тілшісі. 

Бүгін, 17 қаңтар күні қазақстандық теннисші бірінші айналымда америкалық Томми Полмен жолығып, 3:6, 4:6, 2:6 есебімен жеңіліп қалды. 

Айта кетейік, Кукушкин қазіргі уақытта АТР рейтингінде 180-орында, ал Пол 41-сатыға жайғасқан. 

Осылайша, Australian Open турнирінен екінші қазақстандық теннисші шығып қалды. Бұған дейін бірінші айналымда отандасымыз Юлия Путинцева жеңіліс тапқан еді.