Карен Хачанов Astana Open турнирінің ширек финалында ойнайды

Ресейлік теннисші Карен Хачанов Астанада өтіп жатқан АТР 500 санатындағы турнирдің ширек финалына шықты, деп жазады Vesti.kz тілшісі. 

1/8 финалда АТР рейтингінде 18-орында тұрған Хачанов хорватиялық Марин Чиличпен кездесті. 

Бұл кездесуде 2:6, 6:3, 6:3 есебімен ресейлік теннисшінің мерейі үстем болды. Ойын 2 сағат 26 минут болды. 

Енді ресейлік теннисшінің келесі кезеңдегі қарсыласы Новак Джокович болуы мүмкін. Сербиялық бүгін Ботик ван де Заншульппен кездеседі.