Александр Бублик Мадрид қаласында өтіп жатқан АТР турнирінің үшінші айналымында жеңіске жетті, деп хабарлайды Vesti.kz тілшісі.
Қазақстанның бірінші нөмірлі теннисшісі 1/8 финалда ресейлік Аслан Карацевпен кездесіп, 6:4, 6:3 есебімен жеңіске жетті.
Матч 1 сағат 15 минутқа созылды. Бублик ойын барысында 13 эйс жасап, допты ойынға қосу кезінде тоғыз рет қателесті. Сондай-ақ ол жеті брейк жасайтын мүмкіндіктің үшеуін сәтті пайдаланды.
Келесі кезеңдегі Бубликтің қарсыласы әлі анықталмады.