Аиша Омарова ауыр атлетикадан Бахрейнде өтіп жатқан Азия чемпионатының қола жүлдесін иеленді, деп хабарлайды Vesti.kz тілшісі.
Отандасымыз 81 келіге дейінгі салмақта қос сайыс қорытындысы бойынша 217 (93+124) келіні бағындырды.
Бұл салмақта алтын медаль Ираннан келген Сайедехелхам Хоссейниге бұйырды. Ол 227 (102+125) келіні көтерді. Екінші орын жапон қызы Мотока Накажимаға бұйырды - 223 (100+123).
Еске салайық, аталмыш жарыста осыған дейін Зульфия Чиншанло мен Асылжан Бектай алтын алса, Арли Чонтей күміс және Арай Нұрлыбекова қола медаль алды.
Жарнама