Қазақстан ауыр атлетика құрамасының бас бапкерлері тағайындалды
Ауыр атлетикадан ҚР құрама командасының бас бапкерлері тағайындалды. Бұл туралы ауыр атлетика федерациясының ресми сайты хабарлап отыр. Ерлер командасын Смаханов Нұржан Дәуренбекұлы, әйелдер командасын – Сивохин Иван Павлович басқарады.
Естеріңізге сала кетейік, бұған дейін Федерация ҰОК және Мәдениет және спорт комитетімен келісе отырып, Қазақстанның ұлттық құрамасын екі командаға-ерлер мен әйелдерге бөлу туралы шешім қабылдаған болатын.
"Бірінші кезекте Нұржан Дәуренбекұлын және Иван Павловичті тағайындалуымен құттықтағым келеді! Олардың екеуі де жоғары профильді мамандар, құрама командада жұмыс тәжірибесі бар, ең бастысы – нәтижелер бар!
Командалар биылғы жаңа жылда бірінші ОЖЖ кірісті. Елдегі эпидемиологиялық жағдайдың нашарлауына байланысты денсаулық жағдайымен барлық спортшылар толық қатыса алмады, бірақ біз 13 ақпанда басталатын екінші жиынға ұжымдар толық құрамда болады деп үміттенеміз", - дейді ҚР ААФ Бас хатшысы Алдияр Нұралинов.
Загрузка матч-центра...
Жарнама