"Астана" клубы Фабио Арудан командадан кеткені үшін өтемақы талап етеді

"Астана" клубы Фабио Арудан командадан кететін тым кеш ескерткені үшін өтемақы талап етеді. Бұл туралы клубтың бас менеджері Александр Винокуров мәлімдеді, - деп хабарлайды Vesti.kz. Оның айтуынша, Арудың осы әрекетінің салдарынан клуб басшылыға оған тең келетін деңгейдегі шабандозды тауып үлгермеген. 

"Бұл енді адвокаттардың ісі болады, себебі ол созбақтап жүріп алды, - деді Винокуров. - Жақсы бір мәмілеге келуі үшін "Тур де Франс" өткеннен кейін бірден айтуы керек еді. "Мен кетуді жөн көрдім", - десе болғаны. Мұны бейбіт жолмен шешуге болар еді. "Тур де Франс" өткеннен кейін біз басқа кандидаттарды қарастырар едік, болмаса осы сомаға Уранмен келісер едік. Екі апта қалғанда ештеңкені өзгерте алмайсың, барлық шабандоздар бос емес. Сол себепті де адвокаттар шешетін болады. 

- Олар нені шешеді?

- Одан қанша өтемақы талап ететінімізді, себебі біз үздік шабандозымыздан айырылып қалдық. Ыңғайсыз әрине, бірақ ол өзі осындай жолды таңдады. Біз оның осыншама жылдар бойы команданың намысын өорғап келгені үшін алғыс білдіреміз. 

"Ол бізге амал қалдырмады". Винокуров Фабио Арудың "Астана" клубынан кетуі жайлы. 

Еске салайық, Фабио Ару UAE Team Emirates командасымен үшжылдық келісімшарт жасасты.