Зарина Дияс Олимпиада ойындарында кездесуді жалғастырудан бас тартты

Қазақстандық теннисші Зарина Дияс Олимпиада ойындарының бірінші айналымында жарақат алып, кездесуді жалғастырудан бас тартты, деп жазады Vesti.kz порталы. 

Олимпиада ойындарының бірінші айналымында Дияс чехиялық Барбора Крейчиковамен кездескен болатын. Бірінші сетте әлемдік рейтингте 11-орында тұрған чех қызы 5:2 есебімен жеңіп тұрған. 

Жетінші геймнен кейін қазақстандық теннисші жарақатына байланысты кездесуді ары қарай жалғастырудан бас тартты. Осылайша Дияс үшін Олимпиада ойындары аяқталды.