Ярослава Шведова мен Андрей Голубев Олимпиада ойындарында аралас жұптық сында жеңілді

Токио Олимпиадасында теннистен аралас жұптық сайыстың алғашқы кезеңі басталды. Өкінішке қарай, қазақстандық Ярослава Шведова мен Андрей Голубев жұбы қарсыластарына есе жіберді,  деп жазады Olympic.kz. 

Шведова мен Голубев бірінші айналымда жапониялық Эна Шибахара және Бен Маклаклан жұбына қарсы шыққан болатын. 

Екі сетке созылған матчте қазақстандық теннисшілер 3:6, 6:7 есебімен қарсыласқа жол берді. 

Айта кетейік, бүгін теннистен әйелдер арасындағы жекелей сында қазақстандық Елена Рыбакина жартылай финалға жолдама алды.