Токиодағы Олимпиада ойындарында соңғы жүлде сарапқа салынды

Токиодағы Олимпиада ойындарында барлық жарыстар аяқталды, деп хабарлайды Vesti.kz порталы. 

Соңғы жүлдені су добынан Сербия мен Грекия ерлер құрамасы сарапқа салды. 

Бұл ойын 13:10 есебімен сербиялықтардың пайдасына аяқталды. Ал Грекия екінші орын алса, Венгрия құрамасы үшінші орынға жайғасты. 

Еске салайық, Қазақстан құрамасы Олимпиада ойындарында сегіз қола жүлде жеңді. Бұл Олимпиада ойындарындағы біздің ең төмен нәтиже.