Бокстан Қазақстан құрамасының бас бапкері қызметінен кете ме? Маманның өзі жауап берді

Бокстан Қазақстан құрамасының бас бапкері Ғалымбек Кенжебаев Токио Олимпиадасын қорытындылады, деп жазады Vesti.kz порталы. Әңгіме барысында ол алдағы уақытта қызметінен кетуі туралы айта кетті. 

- Олимпиада ойындарының нәтижесі көңілден шықпайды. Осыдан кейін сіз бас бапкерлік қызметтен кету туралы ойламадыңыз ба? 

- Әрине, ондай ойлар болды. Бірақ басшылар ақылдасып, шешім шығарады. 

- Демек, егер басшылық сізді орныңызда қалдырса, ары қарай бас бапкер болып жұмыс істей бересіз бе?

- Мұны да басшылық шешеді. Дәл қазір бұл сұрағыңызға нақты жауап бере алмаймын. 

Еске салайық, Олимпиада ойындарында Қазақстан құрамасы бірде-бір алтын жүлде жеңе алмады. Мұндай жағдай Қазақстан тарихында бірінші рет болды. Токио төрінде біздің боксшыларға тек екі қола ғана бұйырды. Ол жүлделерде Сәкен Бибосынов пен Қамшыбек Қоңқабаев алды.