Қазақстан құрамасы садақ атудан Таиландтың Бангкок қаласында өтіп жатқан Азия кубогының бірінші кезеңінде төрт медаль жеңіп алды, деп хабарлайды Vesti.kz.
Ерлер құрамасы классикалық садақ атудан жеңіс тұғырының ең биік сатысына көтерілді. Ильфат Абдуллин, Дәулеткелді Жаңбырбай және Дастан Кәрімов финалда Үндістан командасын 5:4 есебімен жеңді.
Осы бағдарламада әйелдер құрамасы да жарысты бірінші орынмен аяқтады. Шешуші кездесуде Александра Землянова, Самира Жұмағұлова және Диана Тұрсынбек Қытай құрамасынан басым түсті (6:2).
Әйелдер құрамасы блоктық садақ атудан да жеңіс тұғырының бірінші сатысына көтерілді.
Виктория Лян, Роксана Юнусова және Диана Юнусова финалда Үндістан командасын жеңді. Кездесу 229:227 есебімен аяқталды.
Сонымен қатар блоктық садақ атудан аралас командалық сайыста Виктория Лян мен Бунед Мирзаметов Сингапур спортшыларын 152:151 есебімен жеңіп, қола медаль иеленді.
Жарнама