Қазақстандық боксшы Сағындық Тоғамбай Тайландтағы Thailand Open халықаралық турнирінің жартылай финалына шықты, деп жазады Vesti.kz тілшісі.
Жастар арасындағы Азия чемпионатының үш дүркін жеңімпазы атанған отандасымыз бұл сайыста 91 келіде өнер көрсетуде. Ол ширек финалда Ветнам елінің өкілі Нгуйен Ман Куонмен кездесті. Бұл айқастың соңғы раундында Тоғамбай нокаутпен жеңіске жетті.
Айта кетейік, осыған дейін аталған турнирдің жартылай финалына Аятулла Тәкежанов (75 келі) пен Нұрбек Оралбай (81 келі) шыққан еді. Ал Тимур Нұрсейітов ширек финалда үндістандық қарсыласынан жеңіліп қалды.