Қазақ боксшылары Тайландтағы халықаралық турнирді сәтті бастады

vk.com/ywch16

Бокстан Тайланд елінің астанасы Бангкокта өтіп жатқан "Thailand Invitation International Boxing Tournament 2017" турнирін қазақ боксшылары сәтті бастады. Ел құрамасы сапында аттанған жеті боксшының алтауы екінші кезеңге өтті.

Бірінші кезеңде 49 келіге дейінгі салмақта Шалқар Айқынбай ғана қарсыласына есе жіберді. Ол тайландтық боксшы Саехан Самакпен жұдырықтасқан болатын. Төрешілер 3:2 есебімен шаршы алаң иесін жеңімпаз ретінде таныды. Өзге қазақ боксшылары қарсыластарына басымдығын байқата білді.

49 келіге дейінгі салмақта - Шалқар Айхынбай - Саехан Самак (Тайланд);
52 келіге дейінгі салмақта - Азат Махметов - Рароенмаемоей Артид (Тайланд);
56 келіге дейінгі салмақта - Нұрбол Қалжанов - Франко Барреро Майкел (Куба);
60 келіге дейінгі салмақта - Сұлтан Зауырбек - Чол Ман Чой (Солтүстік Корея);
64 келіге дейінгі салмақта - Қуан Қуатов - Синсири Бумжонг (Тайланд);
69 келіге дейінгі салмақта - Садриддин Ахмедов - Амангельдиев (Түрікменстан);
75 к келіге дейінгі салмақта - Ерік Әлжанов - Викаш Кришан (Үндістан).

Қазақ боксшыларының екінші кезеңдегі қарсыластары төмендегі жекпе-жектер қорытындысы бойынша анықталады.

52 келіге дейінгі салмақта - Чун-Син Ян (Қытай Тайпейі) - Джек Боуэн (Аустралия);
56 келіге дейінгі салмақта - Ху Нам Жо (КХДР) - Оюнбилег Мунхсаинхан (Моңғолия);
60 келіге дейінгі салмақта - Палмер Каррион Дариевски (Куба) – бірінші кезеңнен іріктеусіз өтті;
64 келіге дейінгі салмақта - Мухаммед Демиркай (Австралия) - Токас Рохит (Индия);
69 келіге дейінгі салмақта - Сон Юн Хун (Корея) - Саесит Апичет (Тайланд);
75 келіге дейінгі салмақта - Фромтай Наттанфон (Тайланд) - Куттия Патомсак (Тайланд).

Тайландтағы жарысқа ұлттық құрама жаттықтырушылары жас боксшылардың қатысатынын хабарлаған болатын. Ал негізгі құрам сәуір айының соңында Ташкентте басталатын Азия чемпионатына дайындығын пысықтауда.

Әлеуметтік желілерде бөлісу