Жоғары сапалы алкоголь ішімдіктері аз мөлшерде адам ағзасына зиян келтірмейді. Бірақ жаттығу жасаған кезде солай қала бере ме, яғни, спортпен шұғылданып жүріп, ішімдік ішуге бола ма? Болса қанша мөлшерде және қай уақытта? Бұл сұраққа нақты жауап беру үшін алкгольдің ағзаға әсерін және спортпен шұғылдану кезінде ішкі жүйеде қандай процесстер жүретінін түсіну қажет.
Ішімдікті орынды ішкеннің өзінде оның санаулы ғана пайдасы бар. Ішімдік әсерінен жүйкеге түсетін күш азаяды, физикалық белсенділік артады, асқорту жақсарады. Ішімдік ауырсынғанды басып, қандағы гемоглобин мөлшерін көбейте алады (бұл қызыл шарапқа қатысты), осылайша, ішкі органдарға оттегін айдайды. Дегенмен мұндай әсер күніне 150 миллилитр шарап немесе 30-50 миллилитр арақ ішсе ғана болады.
Этил спиртінің пайдасынан гөрі зияны бірнеше есе көп, ал бұл спирт ішімдіктің барлық түрінде кездеседі. Сондықтан спортпен шұғылданатын адамдарға таза спирт пен оның негізіндегі сусындар туралы бірнеше ғылыми деректерді білген жөн:
Ішімдікті тек спортпен шұғылданар алдында ғана емес, одан кейін де ішуге болмайды. Бұлшық еттің өсуі, шыдамдылықтың артуы және жақсы қалыпта болу тек дұрыс таңдалған жаттығу кешені мен тұрақты дайындалуға ғана тәуелді емес, қалыпқа келіп, күш жинау да қажет. Ол дегеніміз толыққанды тынығуды керек етеді. Ал алкоголь ұйқы фазаларын бұзады, бұл протеиннің бөлінуін баяулатады да, сәйкесінше бұлшық ет тіндерінің өсуіне бөгет етеді.
Маңызды! Жоғарыда айтылғанның бәрі алкогольді үнемі және көп мөлшерде ішкенде болады. Алайда 1-2 стакан шарап аса зиян келтірмейді.
Құрамында этил спирті бар ішімдіктерді спортшыларға бірнеше жағдайда ішуге болмайды:
Спорттық жатығудан кейін 1-2 бокал сыра немесе шарап ішуге болады, бірақ бір шарты бар - жаттығудан кейін 4-6 сағат өтуі керек. Осы уақытта гликоген қоры толығып, артық сүт қышқылы жойылады, жүрек-қантамыр жүйесінің жұмысы қалпына келеді. Әлбетте ішімдік аз мөлшерде болып, толыққанды тамақтануыңыз керек екенін ұмытпаған жөн. Бірақ тым көп және майлы емес тағамдармен.
Кейде қатал тәртіп ұстанатын адамар да бірнеше күн тоқтамай алкоголь ішетін кездер болады. Той-томалақ, мерекелер тағы басқасы 2-3 күн жалғасуы мүмкін. Әлбетте ұзақ ішкеннен кейін мастықтан кейінгі синдром (похмелье) пайда болады. Ал көпшілік осы кезде көбірек жаттығып, қан жүгіртсе, жылдам қалыпқа келеміз деп ойлайды. Ал дәрігерлер мастықтан кейін кемі 2 күн жаттығу жасауға тыйым салады. Өйткені мастықтан кейін спортпен шұғылдану инфаркт пен инсультке дейін жеткізуі мүмкін.
Мастық белгілері әбден тараған кезде ғана, яғни, бас ауыру кетіп, жүрек қағысы орнына түсіп, әлсіздік, тремор мен бас айналу кеткенде ғана спорпен қайта шұғылдануға болады.
Мастықтан кейін қалыпқа келу үшін көбірек су, дәруменді тамақ ішіп, жақсы ұйықтау керек. Токсиндерді ағзадан тезірек шығаруға энтеросорбенттер, ал бауыр жұмысын қалпына келтіруге гепатопротекторлар мен дәрумендер кешені көмектеседі. Ал мастықтан кейін 2-3 күнде қалыпқа келмей жатсаңыз дәрігерге қаралған абзал, жаттығуға мүлде болмайды.
Жоғарыда айтылғандардың бәрінен қорытынды шағарсақ, алкоголь мен спорт - үйлеспейтін дүниелер. Алайда шаршауыңызды ішімдікпен басқыңыз келсе, мұны ақылмен істеу қажет. Демек ішімдікті артық ішпей, токсиндер ағзаңыздан шыққанға дейін жаттықапаған жөн.
Загрузка матч-центра...
Жарнама