Суперорта салмақтағы түркиялық Авни Йылдырымды (21-2, 12 КО) мексикалық Сауль "Канело" Альвареске (35-1-2, 36 КО) қарсылас ретінде Бүкіләлемдік бокс кеңесі (WBC) таңдамаған екен. Ұйым президенті Маурисио Сулейманның сөзінше, олар "Канело" ұсынған вариантты ғана бекіткен көрінеді.
"Канело" титул үшін Йылдырыммен жекпе-жекті сұраған, бұл оның басымдықтарының бірі. "Франчайзинг" чемпионының санаты оны өзгелерден биік етіп, қарсыласты өзі таңдау артықшылығын береді, - деп келтіреді WBC басшысының сөзін The Athletic порталына сілтеме жасаған
vRINGe.com.
Мұның алдында WBC басқару кеңесінің дауыс беру қорытындысының нәтижесі 36-1 болып, WBC (Franchise) чемпионы Сауль Альварес пен WBC титулына міндетті үміткер Йылдырым арасындағы жекпе-жекке тапсырыс берілгені
хабарланған болатын.
Алайда DAZN бұл жекпе-жекке шектеу қойып, мексикалықтың бірден қазақстандық Геннадий Головкинмен жұдырықтасуын қалайтынын мәлімдеген.
"Канело" бірден Головкинмен жұдырықтасу үшін DAZN 40 миллион беруге дайын