Кәсіпқой бокстан әлемнің экс-чемпионы америкалық Давид Бенавидес (26-0, 23 КО) Мексиканың тарланы Сауль "Канело" Альварес (57-2-2, 39 КО) пен қазақ батыры Геннадий Головкин (42-1-1, 37 КО) трилогиясына қатысты ойын айтты, деп хабарлайды vRINGe.com тілшісі.
"Менің ойымша, Головкиннің жеңіске жететін мүмкіндігі бар. Ол расымен мықты боксшы. Тек бір ұнамағаны – ол соңғы айқасында шаршаңқы болғандай көрінді. Бірақ Жапонияға жекпе-жек алдында небәрі бір апта бұрын келгенінің әсері болар. Себебі ол жақтың уақыт айырмашылығы басқа. Қысқа уақыттың ішінде уақыт пен ауа-райына үйренісу қиын. Ал алдағы жекпе-жегіне жақсылап дайындалуы тиіс. Осыған дейін олардың екі айқасын көргем. Бұл жолы да тамашалаймын. Жалпы Головкин мен "Канело" арасындағы кездесу өте қызықты болғалы тұр", - дейді Бенавидес.
Еске салайық, Геннадий Головкин мен Сауль "Канело" Альварес трилогиясы 17 қыркүйекте Лас-Вегаста (Невада, АҚШ) өтеді.