Головкин мен Мартиросян бокс кешінің андеркартында шаршы алаңға шығатын тағы екі боксшы анықталды

©: boxingscene.com

Орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкин (37-0-1, 33 КО) мен америкалық Ванес Мартиросян (36-3-1, 21 КО) арасында 5 мамыр күні өтетін бокс кешінде өнер көрсететін тағы екі боксшының есімі белгілі болды.

Олардың біріншісі жеңіл салмақта өнер көрсететін америкалық Райан Мартин (21-0, 12 КО) болса, екіншісі жартылай орта салмақта сынға түсетін Брайан Себальо (1-0, 1 КО). Екіншісі алдағы бокс кешінде өзінің екінші жекпе-жегін өткізеді. Бірақ олардың қарсыластары әлі анықталмаған.

Бұған дейін бұл бокс кешінде мексикалық Хайме Мунгуйенің (28-0, 24 КО) өнер көрсететіні белгілі болған. Дегенмен оның да қарсыласы белгісіз.

Қазіргі уақытта бұл бокс кешінде өнер көрсететін екі жұп белгілі. Олар - Роман "Чоколатито" Гонсалес (46-2, 38 КО) - Педро Гевара (30-3-1, 10 КО) және Сесилия Брекхус (32-0, 9 КО) - Кади Реис (13-6-1, 4 КО).

Айта кетейік, Мартин биылдан бастап тұрақты түрде Головкинмен бірге Big Bear лагерінде жаттығып жүр. Бұл Мартин үшін Головкиннің андеркартындағы үшінші кездесуін. Осы уақытқа дейін ол наурыз айында Джейкобспен кейін "Канелоға" қарсы кездесуде де шаршы алаңға шыққан.

Әлеуметтік желілерде бөлісу