Головкин мен "Канело" жекпе-жегінің PPV құны жарияланды

©boxingscene.com

Орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкин (37-0, 33 КО) мен мексикалық Сауль "Канело" Альварес (49-1-1, 34 КО) кездесудің ақылы көрсетілімі (PPV) қанша тұратыны белгілі болды.

BoxingScene.com порталы өзінің дереккөзіне сілтеме жасап хабарлауы бойынша, Головкин мен "Канело" кездесуін көрермендер ақылы жүйе арқылы 75 долларға көре алады. Бұл жекпе-жекті PPV арқылы НВО арнасы көрсетеді.

"Канелоның" промоутері Оскар Де Ла Хойя осы уақытқа дейін бұл жекпе-жектің PPV. көрсетілімін үш миллионға жуық көрермен тамашалайды деп топшалаған тұғын. Егер оның болжамы тура келетін болса, бұл жекпе-жекбокс тарихындағы Мейвезер мен Пакьяо кездесуінен кейін екінші қымбат кездесу болады.

Ал жалпы жекпе-жектің билеттері 22 маусым күні сатыла бастады. Билеттің ең арзаны 300 доллар тұрса, ең қымбаты 5000 доллар.

Жекпе-жектің өзі 16 қыркүйек күні Лас-Вегастағы 20 мың жанкүйерге арналған T-Mobile Arena спорт кешенінде өтеді. Жекпе-жекте қазақстандық боксшы тиесілі барлық чемпиондық белбеу сарапқа салынады.

Әлеуметтік желілерде бөлісу