Фируза Шарипова әлем чемпионын жекпе-жекке шақырды

Қазақстандық бұрымды боксшы Фируза Шарипова IBO тұжырымы бойынша әлем чемпионы реселейік Светлана Кулокованы жекпе-жекке шақырды, деп жазады Vesti.kz порталы.

"IBO тұжырымы бойынша әлем чемпионы Светлана Кулокованы жекпе-жекке шақырамын. Бұл жекпе-жекті ұйымдастырайық", - деп жазба қалдырды Шарипова өзінің Instagram парақшасында.

Еске салайық, Фируза Шарипова өзінің соңғы кездесуін 27 мамыр күні Мәскеу қаласында Ольга Забавинаға қарсы өткізіп, қазақстандық боксшы үшінші раунда техникалық нокаутпен жеңіске жетті. Бұл қазақстандық боксшының карьерасындағы бесінші жеңісі еді.

Ал Шарипованың келесі кездесуі 6 шілде күні Магнитогорск қаласында WBC International чемпиондық белбеуі үшін өтеді. Бірақ, боксшымызды айтуынша, қазір оның командасы бірінші жартылай салмақтағы IBO тұжырымының чемпионы Светлана Кулаковамен келіссөз жүргізіп жатыр екен. Егер ресейлік боксшы келісім беретін болса, отандасымыз маусымның соңында не шілденің басында осы боксшымен кездесуі мүмкін.

Әлеуметтік желілерде бөлісу