"Реалға" қарсы кездесуге Неймармен қатар Мбаппе де қатыса алмауы мүмкін

Килиан Мбаппе. Сурет: thesun.co.uk

Франциялық "Пари Сен-Жермен" клубының шабуылшысы илиан Мбаппе Килиан Мбаппе Чемпиондар лигасының 1/8 финалында мадридтік "Реалға" қарсы өтетін екінші кездесуге қатыспауы мүмкін, деп хабарлайды Goal.com порталы.

ПСЖ кеше өз алаңында Франция кубогінде "Марсель" клубын қабылдап, 3:0 есебімен жеңіске жетті. Өткен аптада да париждік клуб ел біріншілігінде "Марсельмен" кездесіп, дәл осындай есеппен жеңген болатын. Ол кездесу Неймар жарақат алып қалып еді.

Кешегі ойында енді Мбаппе жарақат алып қалды. Франциялық шабуылшы негізгі құрамда алаңға шығып, үзіліс кезінде оны бас бапкер алмастырып жіберді.

"Киллиан тобығынан соққы алды. Сөйтіп ол үзіліс кезінде оны алмастыруды сұрады. Мбаппенің жарақаты ауыр емес шығар деп үміттенемін", - деді ойыннан кейін ПСЖ бас бапкері Унай Эмери.

Бұған дейін ПСЖ клуб ресми түрде аптаның соңында Неймарға операция жасалатынын жариялап, шабуылшының алты немесе сегіз аптаға қатардан шығып қалғанын растады.

Чемпиондар лигасында ПСЖ мен "Реал" арасындағы екінші кездесу 6-наурыз күні өтеді. 14-ақпан күні Мадридте өткен бірінші кездесу 3:1 есебімен "Реалдың" пайдасына аяқталған болатын.

Әлеуметтік желілерде бөлісу