Алматылық "Қайрат" клубының басшысы Қайрат Боранбаев өзінің Instagram парақшасында клубтың бапкері, грузиялық маман Кахабер Цхадазенің қызметінде қалатынын мәлімдеді.
""Қайрат" клубының бас бапкеріне қатысты соңғы алып-қашпа әңгімеге нүкте қойсам. Сөзсөз, Кахабер ешқандай күмәнсіз қызметінде қалады. Біз бұл маманға толық сенеміз. Ешқандайда басқа маманды қарастырып, келіссөз жүргізіп жатқан жоқпыз", - деп жазба қалдырды Боранбаев.
Айта кетейік, алматылық "Қайрат" Қазақстан Премьер-лигасының бесінші турында "Ертіспен" 1:1 есебімен тең ойнағаннан кейін, грузиялық маманның қызметінен кететіні туралы мәліметтер тараған еді. Тіпті оның орнына Владимир Муханов келеді деген ақпарат шықты.
Қазіргі уақытта бес ойын өткізген "Қайрат" ел біріншілігінде 7 ұпаймен турнир кестесінде бесінші орында келеді.
Жарнама