"Бар ақшасын GGG мен "Канелоға" жұмсады". DAZN қаржылық қиындыққа тап болды

Америкалық белгілі бапкер және сарапшы, спорт шолушысы ретінде Даңқа залына аты жазылған Тедди Атлас AB Boxing News порталына берген сұхбатында DAZN стриминг қызметінің қаржылық қиындықтары туралы айтып берді. Бұл сервиспен Эдди Хирн (Matchroom Boxing) мен Оскар Де Ла Хойя (Golden Boy Promotions) сияқты атақты промоутерлер жұмыс істейді.

Еске салайық, DAZN 2016 жылы іске қосылып, бюджеті миллиард доллар екені хабарланған. Стриминг қызметі бокс кештері, Чемпиондар лигасы матчтері мен 9 елдегі (АҚШ, Аустрия, Бразилия, Канада, Германия, Италия, Жапония, Испания, Швейцария) басқа да спорт оқиғаларын трансляциялайды.

- Бірде Эдди Хирн DAZN-ге айлық жазылу құнын 50 долларға дейін көтергісі келетінін айтқан. Бұл ерсілік деп санаймын.

- Оларда қиындық боп жатыр ғой. Естімедіңіз бе? DAZN қиындыққа тап болды. Олар дабыл қағып жатыр. Тым көп ақша жоғалтты. Бизнес жоспарлары әзірге жемісін беріп жатқан жоқ. Бар ақшасын "Канело" мен GGG-ге жұмсады да, оларды әлі рингте кездестіре алмады. Енді ол ақшаны қайтара алмайды. Бастапқыда жазылу 9,99, кейін 19,99 доллар болды, енді 50-ге дейін көтергісі келеді. Тағы да айтам - бұл құрдымға кетіп бара жатқандағы дабыл. Қаржылай қиындықтар. Бізге көбірек қаржы керек. Бір нәрсені дұрыс жасамадық. Бар ақшамызды жұмсап қойдық. Бірақ бұл туралы ешкімге айтпаңыз, - деп келтіреді Атластың сөзін vRINGe.com.

Әлеуметтік желілерде бөлісу