Танымал америкалық боксшы Флойд Мейвезер Жапонияда өткізген шоу жекпе-жегінде аралас жекпе-жекте өнер көрсететін жергілікті спортшы Микура Асакураны нокаутқа түсірді, деп жазады Vesti.kz тілшісі.
Сайтама қаласында өткен шоудың басты жекпе-жегінде америкалық боксшы қарсыласын екінші раундта жеңді. Америкалық екінші раунд барысында дәл соққысын дарыта білді. Төреші нокдаун тіркеді. Бірақ бұл соққыдан кейін Асакура есін жия алмады.