Жартылай орта салмақта өнер көрсететін қазақстандық боксшы Бобыржан Момыновтың (12-0, 8 КО) келесі қарсыласы анықталды. Бұл туралы боксшының өзі Instagram парақшасында жазды.
Момынов келесі кездесуін 25-наурыз күні Пуэрто-Рикода өткізеді. Оның қарсыласы 26-жастағы америкалық боксшы Брайан Себальо (12-0, 6 КО) болады.
"Ассалаумағалейкум. Келесі кездесуім 25-наурыз күні Пуэрто-Рикода өтеді. Жеңіске жетіп, сіздерді кезекті рет қуантуға қолымнан келгеннің барлығын жасаймын", - деді боксшы.
Негізі, әу баста Момынов 27-наурыз күні Екатеринбург (Ресей) қаласында, украиналық Эдуард Скавинсиймен (13-0, 7 КО) IBF Baltic белбеуі үшін кездесу өткізу керек еді. Бірақ бұл жекпе-жек өтпейтін болды.
Айта кетейік, Бобыржан Момынов Сауль "Канело" Альварестің (54-1-2, 36 КО) Геннадий Головкинге қарсы кездесуінің алдында спарринг қарсыласы болған.