Деревянченко келесі кездесуін әлем чемпионына қарсы өткізуі ықтимал
Орта салмақта WBC тұжырымының чемпионы Джермалл Чарлоның (33-1, 17 КО) бас бапкері Ронни Шилдс америкалық боксшының келесі қарсыласы украиналық Сергей Деревянченко (13-2, 10 КО) болуы мүмкін екенін айтты, деп хабарлайды iSport.ua.
Шилдстің айтуына қарағанда, оның шәкірті негізі WBA (Super) және WBC (Franchise) белбеулерінің иегері Сауль "Канело" Альвареспен (53-2-1, 36 КО) кездескісі келген екен. Бірақ жақын арада бұл жекпе-жекті ұйымдастыру мүмкін болмай тұр.
"Әрине, мен Джермаллдың Альвареспен жұдырықтасқанын қалаймын. Ол үлкен жекпе-жектерге лайық боксшы. Альвареспен кездескісі келіп еді. Түптің-түбінде біз "Канеломен" кездесеміз. Бірақ, қазір біз жолымызда тұрған боксшыларды жеңу керекпіз. Қазіргі уақытта Деревянченко әлемдік рейтингте бірінші орында тұр. Осы боксшыны қарап жүрміз. Шамасы Деревянченко Чарлоның келесі қарсыласы болып қалатын шығар", - деп келтіреді Шилдстің сөзін Boxingscene порталы.
Айта кетейік, Деревячено мен Чарло Showtime және FOX арналарымен Premier Boxing Champions деп аталатын жобасы бар Эл Хэйменмен келісімшарты бар.
Еске салайық, Деервянченко соңғы кездесуін 5 қазақ күні Нью-Йорк қаласында қазақстандық Геннадий Головкинге (40-1-1, 35 КО) қарсы өткізіп, төрешілердің шешімі бойынша жеңіліп қалды. Бұл кездесуде қазақстандық боксшы IBF және IBO белбеулерін жеңіп алды.
Ал Чарло болса дәл сол Нью-Йорк қаласында 7 желтоқсан күні жұдырықтасып, ирландиялық Деннис Хоганды (28-3-1, 7 КО) жеңіп, WBC белбеуін жеңіп алды.