WBO титулын қорғап қалған Қанат Ислам әлемдік рейтингте шарықтады

Орта салмақта өнер көрсететін қазақстандық боксшы Қанат Ислам (27-0, 21 КО) титулын сәтті қорғаудан кейін өз дивизионында 12 саты жоғарлады, - деп хабарлайды Vesti.kz.

Орта салмақтағы WBO International белбеуі үшін жекпе-жек өткен демалыс Алматыда өткен болатын. Қазақ боксшының қарсыласы намибиялық Уолтер Каутондоква болды. 

Он раундқа созылған жекпе-жекте қазақстандық боксшы төрешілер шешімімен жеңді, ал бесінші раундта ол қарсыласын нокдаунға түсірген еді. 

Осылайша, Қанат Ислам BoxRec рейтингінде ТОП-20 тізімге кіріп, 17-ші орынға жайғасты. 

Бұл қазақ боксшының 27 жекпе-жектегі 27-ші жеңісі (21 нокаут). Ал Каутондоква екінші рет жеңіліп тұр, сонымен бірге, ол 18 жеңіске жеткен (17 нокаут).