WBC "жастар" титулы үшін жекпе-жекте қытайлық қарсылас қазақ боксшының тегеурініне шыдай алмады
Кәсіпқой боксшы Сұлтан Зауырбек қытайлық Лешан Лимен жекпе-жек өткізді, - деп хабарлайды "Хабар24".
Агенттіктің мәліметінше, кездесу нәтижесі бойынша төртінші раундтан кейін қытайлық команда жекпе-жектен бас тартып, Лидің жеңілгенін мойындады. Осылайша Сұлтан Зауырбек кәсіпқой рингтегі 9-жеңісіне қол жеткізіп, екінші жеңіл салмақтағы WBC Youth белбеуіне ие болды.
"Жеңісімді еліме арнаймын. Баршаңызды Қазақстанның Тәуелсіздік күнімен құттықтаймын", - деді боксшы жекпе-жектен кейін.